رسالة لأهالينا في مصر الغالية
وكذلك لشعوب العالم أجمع
بعد إلغاء حظر التجوال فى مصر
أعتباراً من اليوم السبت ٢٧ يونيو
الحياة الطبيعية لازم تستمر صحيح
لأسباب إقتصادية وأكل عيش الكثيرين
لكن بضوابط وأحترام الإجراءات الإحترازية
رسالة للناس إللي كانت مالية الشوارع والأسواق فى الفترة السابقة
بعد تجاوز عدد مصابين الـ ٦١١٠٠
وتجاوز عدد الوفيات ١لـ٢٥٠٠
بسبب فيروس كورونا (كوفيد ١٩)
الموضوع موش هزار
بلا تهوين ولا تهويل ولا زعر
ولا تضخيم ولا أفراط ولا تفريط
ولا تعميم ولا تبسيط ولا هلعلا
ولا تهاون ولا أستخفاف
فيروس كورونا ما غادرش كوكبنا
والخطر مازال موجود حوالينا
ولا يوجد حتى الآن دواء لمعالجة (كوفيد-١٩) أو لقاح للوقاية منه
إذاً يا ناس يا هو أرجوكم خالي بالكم
يا ريت تستمروا في ألتزام البيت بقدر المستطاع
ولو نزلت للضرورة خليك فى أمان
في الشارع ما تلمس كل حاجة وأي حاجة
وأحترم الإجراءات الإحترازية والتدابير الوقائية
إمتنع عن السلام بالأيدي الأحضان والقبلات
تاني وتالت أبتعد عن الأماكن الزحمة
وخللي بينك وبين أي حد حواليك
مسافة معقولة لا تقل عن ٢ متر
وبلاش الزحمة دي إللي بتخلينا نحس
إنكم واخدين الموضوع بإستهانة وإستهتار
إلزموا بيوتكم قدر المستطاع
ده حيقلل من إنتشار الفيروس كورونا
أمنوا بعض متكحوش وتعطسوش
بدون مناديل و في وش بعض
البسوا كمامات ف الزحمة والمواصلات
تاني إبعدوا عن بعض مسافة معقولة
أغسلو أيديكم بالماء والصابون
أو بأستخدام مطهر الأيدي
بأستمرار ولفترة لا تقل عن ٢٠ ثانية
لا تلمس وجهك فمك وأنفك وعينك بدون غسل الأيدي
معلش كلام مكرر ومتعاد
لكن والله لأن الموضوع موش هزار
الموضوع مازال خطير جداً وصعب فعلًا
ممكن ميحصلكش حاجة
بس بسببك ممكن واحد تانى يموت
هل لأن الفيروس لا يري بالعين
ولا نلمسه باليد ولا نسمع صوته
فا سياتك لا تصدق بوجوده
ولا تستشعر خطره، قلّت عقل.؟!
لو سيادتك موش خايف على نفسك
خاف علي أسرتك ولادك أهلك
حبايبك أصداقائك جيرانك
ولاد حتتك خاف على بلدك
لو موش خايف على دول كلهم
فهل تستحق لقب "إنــسـان"..؟
أصبرو وبإذن الله تعالى
بكره ترجع لمتنا من تاني
يـااااااااااااااااااااااارب🙌🙏
‿︵‿︵‿︵⚠ 😷⚠‿︵‿︵‿︵
